手術全直擊 黃榕拉皮變臉

上星期，記者直擊黃榕接受電波拉皮療程和激打回春針，把又殘又乾的臉龐重新注光，看到針筒在其面皮上挑撥，讓人倒抽口氣，迅速變臉的黃榕完事後對鏡叫囂說：「真係好勁，原先以為好痛，估唔到只係拮拮下咁，依家連個黑眼圈都無埋，後生了十年。」

擁32C火辣身材的黃榕坦言今個暑假寫真戰無得輸，她說：「已開會籌備，去年森林全裸激？未算，今年會再盡，暫時唔可以透露太多，費事俾人炒橋。」是日，黃榕素顏現身尖沙咀中達大廈的皮膚中心，見她雙頰又乾又殘，還附送一對瘀黑色眼袋，比起真實年紀老十年，「我之前貪靚打蘋果針，依家兩邊眼底都有粒豆豆凸起，要化厚妝遮掩。」黃榕撒嬌似地跟醫生訴說情況。

厚搽麻醉膏

經過一輪會診，黃榕被帶往休息室準備，她說：「要先搽麻醉膏，其實我好怕痛，所以要護士幫我搽厚點，一陣你可唔可以借隻手畀我？等我有個依靠。」問到為何要整形？黃榕說：「邊個女仔唔貪靚，成日登台捱到好殘，皮膚暗啞無色咁，人大了，面皮鬆弛下垂，女生要保養自己。」說罷便隨護士進入手術室，見躺在上的她十分緊張。

激試回春針

待醫生到場為她劃好定位格後，電波拉皮療程正式開始，頭一兩下還聽到黃榕緊張尖叫，未幾便靜了下來，還可跟記者聊天，「唔痛唔痛，嚇死我，話要每邊面打三百下，聽到就驚，但原來真係唔痛。」拉皮後，緊接注射液態緊膚針，醫生徒手在她面上劃標記，然後以針拮開皮肉，再把液體慢慢注射入面，記者見針頭在面皮下挑撥，感到毛骨悚然，黃榕反過來安撫記者說：「唔痛架，無感覺，係feel到有支野郁緊。」五分鐘便完成，坐在手術枱上的黃榕拿着鏡檢視，激動叫囂說：「嘩，真係好神奇，你睇個黑眼圈、眼袋消失了，塊面好緊，真係好過打Botox。」據知此電波療程只需做一次，效果維持年半，緊膚針則可last兩年。

資料來源: headline

以上所提供的資訊僅作為教育及參考用途，如果你有任何醫療問題，應向自己的醫生查詢，而不應單倚賴以上提供的資料。